სოფელი თაგო ზღვის დონიდან 1000 მეტრ სიმაღლეზე მდებარეობს და გარე სამაყროს საბაგიროთი უკავშირდება. სოფლამდე მისასვლელი სამანქანო გზა დაზიანებულია და ზამთრობით იკეტება.

საბაგირო გზის მეშვეობით კი სოფელში წელიწადის ნებისმიერ სეზონზე ზუსტად 8 წუთში მიხვალ. საბაგიროთი გადაადგილება 20 თეთრი ღირს. სოფელში მცხოვრები 70 ოჯახი მგზავრობასთან ერთად ტვირთსაც საბაგირო გზით ეზიდება.

უსაყრდენო საბაგირო, რომლის სიგრძე 1,719 მეტრი, ხოლო სიმაღლე 280 მეტრია, ევროპაში მეორე ადგილზეა.